ਅੰਮ੍ਰਿਤਸਰ 30 ਦਸੰਬਰ (ਅਰਵਿੰਦਰ ਵੜੈਚ) : ਰਾਯਨ ਇੰਟਰਨੈਸ਼ਨਲ ਸਕੂਲ ਅੰਮ੍ਰਿਤਸਰ ਦੇ ਵਿਦਿਆਰਥੀ ਅਭਿਨਵ ਕਪਿਲ ਨੂੰ ਰਾਯਨ ਸੰਸਥਾ ਦੇ ਚੇਅਰਮੈਨ ਡਾਕਟਰ ਆਗਸਟੀਨ ਐਫ ਪਿੰਟੋ ਅਤੇ ਡਾਇਰੈਕਟਰ ਮੈਡਮ ਗਰੇਸ ਪਿੰਟੋ ਅਤੇ ਸੀ ਈ ਓ ਰਾਯਨ ਪਿੰਟੋ ਵੱਲੋਂ ਬਹੁਤ ਬਹੁਤ ਵਧਾਈ ਅਤੇ ਆਸ਼ੀਰਵਾਦ ਦਿੱਤਾ ਗਿਆ। ਨੌਵੀ ਜਮਾਤ ਦੇ ਵਿਦਿਆਰਥੀ ਦੀ ਪ੍ਰਸੰਸ਼ਾ ਕਰਨਾ ਇੱਕ ਮਾਣ ਦੀ ਗੱਲ ਹੈ ਜਿਸ ਨੂੰ ਬੀਸੀਸੀਆਈ ਵੱਲੋਂ ਆਯੋਜਿਤ ਵਿਜੇ ਮਰਚੰਟ ਟਰਾਫੀ ਲਈ ਨੌਜਵਾਨ ਨੂੰ ਅਹਿਮਦਾਬਾਦ ਵਿਚ ਹੋਣ ਵਾਲੇ ਟੂਰਨਾਮੈਂਟ ਲਈ ਚੁਣਿਆ ਗਿਆ ਹੈ । ਉਹਨਾਂ ਦਾ ਚੁਣਾਵ ਪੰਜਾਬ ਸਟੇਟ ਟੀਮ ਅੰਡਰ-16 ਵਿਚ ਹੋਇਆ ਹੈ। ਸਕੂਲ ਦੀ ਮੁੱਖ ਅਧਿਆਪਕਾ ਕੰਚਨ ਮਲਹੋਤਰਾ ਨੇ ਉਨ੍ਹਾਂ ਦੇ ਉੱਜਲ ਭਵਿੱਖ ਦੀ ਕਾਮਨਾ ਕੀਤੀ ਹੈ ।
