ਬੁਢਲਾਡਾ, 29 ਅਪ੍ਰੈਲ (ਦਵਿੰਦਰ ਸਿੰਘ ਕੋਹਲੀ) ਲੋਕਾਂ ਦੀਆਂ ਸਮੱਸਿਆਵਾਂ ਸਬੰਧੀ ਵਾਰਡ ਕੌਂਸਲਰ ਵਲੋ ਕੌਂਸਲ ਪ੍ਰਧਾਨ ਨਾਲ ਵਾਰਡ ਦਾ ਦੌਰਾ ਕੀਤਾ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਵਾਰਡ ਨੰਬਰ 7 ਦੀ ਕੌਸਲਰ ਸੁਖਵਿੰਦਰ ਕੌਰ ਸੁਖੀ ਨੇ ਦਸਿਆ ਕਿ ਵਾਰਡ ਦੀਆ ਸਮੱਸਿਆਵਾਂ ਅਤੇ ਲੋਕਾਂ ਦੀਆਂ ਮੁਸਕਲਾ ਲਈ ਕੌਂਸਲ ਪ੍ਰਧਾਨ ਵਲੋ ਵਾਰਡ ਦਾ ਦੌਰਾ ਕੀਤਾ ਗਿਆ ਅਤੇ ਲੋਕਾਂ ਤੋਂ ਵਾਰਡ ਦੀਆ ਸਮੱਸਿਆਵਾਂ ਲਈ ਜਾਣਕਾਰੀ ਲਈ ਗਈ। ਓਹਨਾ ਕਿਹਾ ਕਿ ਵਾਰਡ ਅੰਦਰ ਸੀਵਰੇਜ ਸਿਸਟਮ, ਪਕਿਆ ਗਲੀਆ, ਨਾਲੀਆ ਆਦਿ ਦਾ ਕੰਮ ਪੂਰਾ ਕਰਵਾਇਆ ਜਾ ਰਿਹਾ ਹੈ। ਜਿਹੜੀਆਂ ਗਲੀਆ ਕੱਚੀਆਂ ਹਨ ਉਹਨਾ ਲਈ ਵੀ ਕੌਂਸਲ ਪ੍ਰਧਾਨ ਨੂੰ ਬਣਵਾਉਣ ਲਈ ਬੇਨਤੀ ਕੀਤੀ ਗਈ ਹੈ। ਇਸ ਸਬੰਧੀ ਕੌਂਸਲ ਪ੍ਰਧਾਨ ਨੇ ਕਿਹਾ ਕਿ ਲੋਕਾਂ ਦੀਆਂ ਵਾਰਡ ਸਬੰਧੀ ਮੁਸ਼ਕਿਲਾ ਦਾ ਹਲ ਪਹਿਲ ਦੇ ਅਧਾਰ ਤੇ ਕੀਤਾ ਜਾਵੇਗਾ। ਓਹਨਾ ਕਿਹਾ ਕਿ ਸ਼ਹਿਰ ਦੀ ਸਫਾਈ, ਸੀਵਰੇਜ ਸਿਸਟਮ, ਸੜਕਾਂ, ਗਲੀਆ ਆਦਿ ਕੰਮ ਪਹਿਲ ਦੇ ਅਧਾਰ ਤੇ ਕਰਵਾਏ ਜਾ ਰਹੇ ਹਨ। ਉਹਨਾ ਕਿਹਾ ਕਿ ਜਿਹੜੀਆਂ ਸੜਕਾਂ ਅਤੇ ਗਲੀਆ ਆਦਿ ਦਾ ਕੰਮ ਰਹਿੰਦਾ ਹੈ ਉਹ ਵੀ ਜਲਦ ਹੀ ਕਰਵਾਇਆ ਜਾਵੇਗਾ। ਇਸ ਮੌਕੇ ਅਨੂਪ ਟੀਟੂ, ਗੁਰਧਿਆਨ ਕਟਾਰੀਆ, ਅਵਤਾਰ ਸਿੰਘ ਆਦਿ ਹਾਜਰ ਸਨ।
