ਅੰਮ੍ਰਿਤਸਰ,12 ਅਗਸਤ (ਰਾਜਿੰਦਰ ਧਾਨਿਕ)- ਨਗਰ ਨਿਗਮ ਦੇ ਮੇਅਰ,ਕਮਿਸ਼ਨਰ ਦੇ ਆਦੇਸ਼ਾਂ ਤੇ ਸੈਕਟਰੀ ਰਜਿੰਦਰ ਸ਼ਰਮਾ ਦੀ ਅਗਵਾਈ ਵਿੱਚ ਹਲਕਾ ਵੈਸਟ ਵਿਖੇ ਨਜਾਇਜ਼ ਤਰੀਕੇ ਨਾਲ ਚਲਾਏ ਜਾ ਰਹੇ ਵਾਟਰ ਸਪਲਾਈ ਅਤੇ ਸੀਵਰੇਜ਼ ਦੇ ਕਈ ਕੁਨੈਕਸ਼ਨ ਕੱਟੇ ਗਏ। ਕਾਰਵਾਈ ਦੇ ਦੌਰਾਨ ਸੁਰਿੰਦਰ ਸ਼ਰਮਾ ਸੋਨੂੰ ਨੇ ਦੱਸਿਆ ਕਿ ਨਾਜਾਇਜ਼ ਕੁਨੈਕਸ਼ਨਾਂ ਅਤੇ ਬਕਾਇਆ ਬਿੱਲਾਂ ਦੇ ਖਪਤਕਾਰਾਂ ਦੇ ਖਿਲਾਫ ਕਾਰਵਾਈ ਕੀਤੀ ਜਾ ਰਹੀ ਹੈ। ਜਿਸ ਤਹਿਤ ਜੋਨ ਨੰਬਰ 8 ਅਤੇ 9 ਅਧੀਨ ਪੈਂਦੇ ਇਲਾਕਿਆਂ ਦੇ ਗ਼ੈਰਕਾਨੂੰਨੀ ਤਰੀਕੇ ਨਾਲ ਚਲਾਏ ਜਾ ਰਹੇ ਕਈ ਵਿਉਪਾਰਿਕ ਅਤੇ ਰਿਹਾਇਸ਼ੀ ਕਨੈਕਸ਼ਨ ਕੱਟੇ ਗਏ ਹਨ। ਬਿੱਲਾਂ ਦਾ ਭੁਗਤਾਨ ਨਾ ਕਰਨ ਵਾਲਿਆਂ ਦੇ ਖਿਲਾਫ ਕਾਰਵਾਈ ਕੀਤੀ ਜਾ ਰਹੀ ਹੈ। ਉਹਨਾਂ ਨੇ ਇਲਾਕਾ ਨਿਵਾਸੀਆਂ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਹਰ ਕੋਈ ਆਪਣਾ ਬਣਦਾ ਟੈਕਸ ਅਤੇ ਬੇਰੀ ਸਮੇਂ ਸਿਰ ਜਮਾਂ ਕਰਵਾਉਣ, ਨਹੀਂ ਤਾਂ ਮੇਅਰ, ਕਮਿਸ਼ਨਰ ਅਤੇ ਸੈਕਟਰੀ ਰਜਿੰਦਰ ਸ਼ਰਮਾ ਆਦੇਸ਼ਾਂ ਮੁਤਾਬਿਕ ਬਣਦੀ ਕਾਰਵਾਈ ਕੀਤੀ ਜਾਵੇਗੀ। ਇਸ ਮੌਕੇ ਤੇ ਦਵਿੰਦਰ ਕੁਮਾਰ, ਧਰਮਵੀਰ,ਪਰਦੀਪ ਕੁਮਾਰ, ਸਰਵਨ ਸਿੰਘ,ਬਲਵਿੰਦਰ ਸਿੰਘ ਮੌਜੂਦ ਸਨ।
