ਲੋਕਾਂ ਨੂੰ ਕਰਨਾ ਪਿਆ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਹੈ
ਘਰਾਂ ਅੰਦਰ ਵੜਿਆ ਗੋਡੇ-ਗੋਡੇ ਪਾਣੀ
ਬੁਢਲਾਡਾ, 21, ਜੁਲਾਈ (ਦਵਿੰਦਰ ਸਿੰਘ ਕੋਹਲੀ): ਸਾਵਣ ਦੇ ਮਹਿਨੇ ਦੀ ਪਹਿਲੀ ਬਰਸਾਤ ਹੋਣ ਨਾਲ ਹੀ ਸ਼ਹਿਰ ਦੇ ਨਗਰ ਕੌਂਸਲ ਦੇ ਪ੍ਰਬੰਧਾਂ ਦੀ ਪੋਲ ਖੁਲ ਕੇ ਸ੍ਹਾਮਣੇ ਆਉਂਦੀਆਂ ਹੀ ਲੋੱਕਾਂ ਵਲੋਂ ਸਰਕਾਰ ਐਮਸੀਆਂ,ਪ੍ਰਧਾਨ ਅਤੇ ਈ ਓ ਸਮੇਤ ਹਰੇਕ ਕਰਮਚਾਰੀ ਨੂੰ ਰੱਜ ਕੇ ਦੇਗ ਦਿੱਤੀ ਕੇ ਕਿ ਲਾਹਨਤ ਹੈ ਅਜਿਹੇ ਪ੍ਰਬੰਧਾਂ ਦੀ ! ਜਿਕਰਯੋਗ ਹੈ ਕਿ ਲੰਘੀ ਦੇਰ ਰਾਤ ਸ਼ਹਿਰ ‘ਚ ਭਾਰੀ ਬਰਸਾਤ ਨੇ ਜਿਥੇ ਲੋਕਾਂ ਨੂੰ ਅੱਤ ਦੀ ਪੈ ਰਹੀ ਗਰਮੀ ਤੋਂ ਰਾਹਤ ਤਾਂ ਦਵਾਈ, ਪਰੰਤੂ ਬਰਸਾਤੀ ਪਾਣੀ ਦੀ ਨਿਕਾਸੀ ਨਾ ਹੋਣ ਕਾਰਨ ਹਰ ਵਾਰ ਨਾਕਾਮ ਸਾਬਤ ਹੋਣ ਵਾਲਾ ਪ੍ਰਸ਼ਾਸਨ ਤੇ ਨਿਕਾਸੀ ਪ੍ਰਬੰਧ ਇਸ ਵਾਰ ਫਿਰ ਮਾਨਸੂਨ ‘ਚ ਨਾਕਾਮ ਸਾਬਤ ਹੋਏ ਹਨ। ਜਿਸ ਕਾਰਨ ਮਾਨਸੂਨ ਦੀ ਹੋਈ ਬਰਸਾਤ ਨੇ ਪੂਰਾ ਸ਼ਹਿਰ ਜਲਥਲ ਕਰ ਦਿੱਤਾ। ਸ਼ਹਿਰ ਦੇ ਕਾਲਜ ਰੋਡ, ਸਾਰੇ ਬਾਜ਼ਾਰਾ ਵਾਲੇ ਰੋਡ, ਬੱਸ ਸਟੈਂਡ ਰੋਡ, ਕਚਹਿਰੀ ਚੌਂਕ, ਚੋੜੀ ਗਲੀ, ਸਿਨੇਮਾ ਰੋਡ, ਪੁਰਾਣੀ ਗੈਸ ਏਜੰਸੀ ਰੋਡ, ਗੋਲ-ਚੱਕਰ ਸਮੇਤ ਚਾਰ ਚੁਫੇਰੇ ਗੋਡੇ ਗੋਡੇ ਪਾਣੀ ਜਮ੍ਹਾਂ ਹੋ ਗਿਆ। ਕਈ ਘੰਟੇ ਲਗਾਤਾਰ ਹੋਈ ਬਰਸਾਤ ਨੇ ਸ਼ਹਿਰ ਨੂੰ ਜਲਥਲ ਕਰ ਦਿੱਤਾ ਹੈ ਤੇ ਤਮਾਮ ਬਾਜ਼ਾਰ ਝੀਲ ਦਾ ਰੂਪ ਧਾਰਨ ਕਰ ਗਏ। ਜਿਸ ਕਾਰਨ ਆਵਾਜਾਈ ਪੂਰੀ ਤਰ੍ਹਾਂ ਨਾਲ ਠੱਪ ਰਹੀ। ਸੈਂਕੜੇ ਮੋਟਰਸਾਈਕਲਾਂ ਗੱਡੀਆਂ ਵਾਲੇ ਲੰਗਣ ਦੀ ਕੋਸ਼ਿਸ਼ ਕਾਰਨ ਪਾਣੀ ‘ਚ ਹੀ ਫਸ ਗਏ। ਖੜੇ ਪਾਣੀ ਦੀਆਂ ਤਸਵੀਰਾਂ ਸ਼ਹਿਰ ਵਾਸੀਆਂ ਵੱਲੋਂ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਕੀਤੀਆਂ। ਸ਼ਹਿਰ ਅੰਦਰ ਥਾਂ-ਥਾਂ ਖੜ੍ਹੇ ਪਾਣੀ ਕਾਰਨ ਸ਼ਹਿਰ ਵਾਸੀਆਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਓਧਰ ਨਗਰ ਕੌਂਸਲ ਵੱਲੋਂ ਭਾਵੇਂ ਪਾਣੀ ਦੀ ਰੁਕੀ ਨਿਕਾਸੀ ਦਾ ਜਾਇਜਾ ਵੀ ਲਿਆ ਗਿਆ ਪਰੰਤੂ ਸੱਪ ਲੰਗਣ ਪਿੱਛੋਂ ਲੀਕ ਪਿੱਟਣ ਦਾ ਕਿ ਫਾਇਦਾ !
